Vorred iij
nit vil von den Cõmenten / gloſen / vñ außlegun⸗
gen / auch der alten. So gar hat es die maynung
nit / das ich mit aynchem meiner lengern biecher
aynem / beger yemandts võ der lernung vnd lieb
der goͤtlichen vnd hayligen geſchrifft abwendig
zuͤmachẽ. Ja ich wünſcht nichts ſo ſeer / als wañ
es müglich waͤre / dasalle Chriſten allain mit der
goͤtlichẽ geſchrifft auffs freyeſt vmbgiengen / vñ
in jrer natur vnd adelich aygenſchafft gaͤntzlich
verſtelt vnd verwandelt würden. Dañ weyl die
gothait jr aygẽ aller volkomlichſt geſtalt vñ bild⸗
nüß in der goͤtlichẽ geſchrifft angezaygt abgeriſ⸗
ſen vnd kunterfayt hat / derhalben kan ſte an kay
nem ort weder gewiſſer vnd aygentlicher / noch
naͤher erkaͤnt werden. Wañ alle die werdẽ betro
gen / die des rechtẽ chriſtẽlichẽ lebẽs form / muſter
vñ maynung anderſwo her ſuͤchen vñ nemẽ dañ
auß der hayligen goͤtlichen geſchrifft. Ey / wol
ferr ſeind von d rainigkait der goͤtlichẽ geſchrifft
die Cõment / vnd weytleüffige außlegung. Dañ
in der hayligen geſchrifft findt man nichts dz nit
erlich anfächlich vnnd eerwirdig ſey. Aber in den
cõmenten / gloſen vñ außlegũgẽ iſt ſeer vil dings
das von der Philoſophy / vnd von der ſchaͤtzung
der menſchlichen vernunfft her fleüſt / das mit dẽ
vrtayl des goͤtlichẽ gaiſtes gaͤntzlich ſchnuͤrgleich
vñ gerad ſtreyttig vñ vnaynig iſt. Dañ die Scri
benten / gloſterer vnd Cõmentſchreiber haben dẽ
a iij